ଓଡ଼ିଆ

*ପଦଧ୍ବନୀ* ପରିବେଶ ଆଜି କଳୁଷିତ ଯୋଗୁ ବିପଦର ପଦଧ୍ବନୀ , ପ୍ରତି ପଦକ୍ଷେପେ ଶୁଣାଯାଏ ଭବେ ପାରୁନ କି ଏହା ଜାଣି । କେରଳର ଓ୍ବାୟନାଡ଼ ଠାରେ ଆଜି ଘଟିଲା ଯେଉଁ ପ୍ରଳୟ , ଶତାଧିକ ଜନ ସାଥେ ପଶୁ ପକ୍ଷୀ ଙ୍କର ହେଲା ପ୍ରାଣ କ୍ଷୟ । ଆରବ ସାଗରେ ଉତ୍ତପ୍ତ ବାୟୁର ପ୍ରଭାବରେ ଘୋର ବର୍ଷା , ଅତ୍ଯଧିକ ବୃଷ୍ଟି ଯୋଗୁ ଭୁସ୍ଖଳନ ପାଇଁ ହୋଇଛି ଦୁର୍ଦ୍ଦଶା । ହିମ ଗ୍ଳାସିଅର ତରଳି ଯାଉଛି ଅତ୍ଯଧିକ ଉତ୍ତାପରୁ , ଶ୍ରାବଣରେ ବର୍ଷା ଅଭାବ ଘଟୁଛି ପରିବେଶ କାରଣରୁ । ଜଙ୍ଗଲ ଜମିର କ୍ଷୟ ଘଟୁଅଛି ବୃକ୍ଷଶୂନ୍ଯ ହୁଏ ଧରା , ବର୍ଷା ଶୀତ ଆଉ ବସନ୍ତ ପ୍ରଭାବ ଧରାରେ ପଡ଼ୁନି ପରା । ବର୍ଜ୍ଯଜଳ ସାଥେ ପ୍ଳାଷ୍ଟିକର ବର୍ଜ୍ଯ ସରିତ ସାଗରେ ମିଶି , ଉଦ୍ଭିଦ ଜୀବ ଓ ଜଳଜୀବଙ୍କର ଘଟାଉଛି କେତେ କ୍ଷତି । ଭୂତଳ ଜଳର ପରିମାଣ ହ୍ରାସ ଉଦବେଗର କାରଣ , ବାତ୍ଯା ବନ୍ଯା ଭୂମିକମ୍ପ ସାଥେ ରୋଗ ଆଦି ଯେତେ ବିଲକ୍ଷଣ । କେତେ ପଶୁ ପକ୍ଷୀ ବୃକ୍ଷଲତା ଆଦି ହୋଇ ଗଲେଣି ବିଲୁପ୍ତ , ପ୍ରକୃତି କ୍ରମଶଃ ଭୟଙ୍କର ହୋଇ ଦେଖାଏ ତା'ର ପ୍ରକୋପ । ଏତେ ପରେ ମଧ୍ଯ ଚେତୁନି ମଣିଷ ଯୁଦ୍ଧରେ ଯାଉଛି ମାତି , ରାସାୟନିକ କ୍ଷେପଣାସ୍ତ୍ର ଛାଡ଼ି ସେ ପରିବେଶ କରେ କ୍ଷତି । ଏବେ ବି ସମୟ ଅଛି ବନ୍ଧୁଗଣ ହୋଇବାରେ ସଚେତନ , ଦୁର୍ଦ୍ଦିନର ପଦଧ୍ବନୀ ରୋକିବାକୁ ପରିବେଶ ସଂରକ୍ଷଣ । ଆବର୍ଜନା ମୁକ୍ତ କରିବା ଭୂପୃଷ୍ଠ ଜଳ ବାୟୁ ଧରି ସାଥେ , ପରିବେଶ ସ୍ବଚ୍ଛ ରଖି ଭଜୁଥିବା ଆମ ସୁଖ ଆମ ହାତେ ...